良久，终于有一把男声开腔讲话。
?大家，有无睇过果套戏，Iamlegend??
刹那间，所有人都抬头，看著声音的来源；
是那个坐在窗边，带著眼镜的青年；我认得他，他也是刚才第一个开声的人。
所有人也看著他，可是没人答话。
青年见大家没反应，有点尴尬，唯有继续自说自话的说下去。
?系一部末世片，讲有条友起身，发觉其他人全部唔见哂，自己系果个城市入面最后一个生存既人……我觉得，有啲似我地宜家呢个情况…好似系。?
大家继续没反应，青年继续自己打完场。
?反正就系最后，原来讲话全地球都中左一只毒，濑哂野，讲话90%死哂，之后果10%变左怪物，所以佢就系legend之类——?
听到这里，一个中年男人突然插话，他的语气带点威严:
?你系讲紧，一阵会有怪物出黎袭击我地??
?唔系，我只系讲个电影入面发生既野，同我地情况有少少相同…?青年连忙摇头挥手，畏首畏尾，一副怕被人挑战的模样。
?唔得，你呢个讲法讲唔通。?中年男人直接否定青年；
?你地头先有无留意，其实由我地出左狮子山隧道之后，已经无哂车?
而最重要既系，我清楚记得，系我地出隧道之前，隔离线明明系有两架私家车过左我地头，而我地后面亦真系有架巴士一路追紧上黎；
只系，唔知做咩事，一出左狮子山隧道，呢d车就全部消失哂。?
全车沉默，听中年男人发表伟论；
当然，这样我早就留意到了，在这一刻，我很想给男人拍个肩膀，说原来我们都是?摩擦力很强?的同道中人。
中年男人继续:
?换句话讲，问题其实系由我地一出狮子山隧道既果一刻起，所有人先消失哂。你地玩电话果乍人，系唔系一出狮子山隧道就打唔到比人地??
车上的人默默点头，均觉有理；
?所以，你果套咩野legend行唔通。
明明上一秒钟仲有车系旁边，下一秒，过左个湾位已经消失哂，断估唔会系咩病毒爆发引起既，
因为我唔相信有咩病毒可以系一秒钟之内连车都可以消失埋，咁样一啲都唔合理。?
中年男子的专家分析口吻，令青年的?legend理论?不攻自破，
青年自己听后也觉有理，继而向中年男子问:
?咁先生你觉得，究竟系发生咩事?
点解会无哂人，点解会无哂车?佢地去哂边?点解打唔到比佢地！??
面对青年的题目，中年男子似是早有准备，
慢条斯理的向红van内的所有乘客，说了句:
?你地有无谂过，其实系我地系出狮子山隧道既果一刻，
架小巴发左生意外；我地，其实已经死哂??